“As” qəzetində Eden Azarla bağlı maraqlı xəbər yayılıb. O, 32 yaşında karyerasını bitirə bilər.

"Football-plus.az" xəbər verir ki, Azar iyunda “Real”la müqaviləsinə xitam verildikdən sonra hələ də özünə yeni klub tapmayıb.

Belçikalı yarımmüdafiəçi kiçik qardaşı Kilianın oynadığı “İnter Mayami” və ölkəsinin “Molenbek” klubunun təkliflərini rədd edib. İyunun 30-dan azad agent statusu qazanan Edenin yeni klub tapmaqda çətinlik çəkməsi “Real”da oynayarkən aldığı çoxsaylı zədələr və oyun praktikasının azlığı ilə izah olunur.

Bundan başqa, futbolçu və ailəsi İspaniyada özünü rahat hiss edir və Madriddə qalmaq istəyirlər ki, bu da belçikalının karyerasını bir qədər erkən başa vurmasına səbəb ola bilər.