Eden Azarın “Real”ı tərk etmək ehtimalı bir qədər də artıb.

O, qışda premyer-liqaya qayıda bilər. Belçikalı futbolçunu bu günlərdə “Aston Villa”nın baş məşqçisi təyin olunan Unay Emeri sərəncamında görmək istəyir. İspaniyalı mütəxəssis Edenin sayəsində yeni komandasının hücum potensialının artacağını düşünür.

Yeri gəlmişkən, 31 yaşlı futbolçu bu mövsüm İspaniya çempionatının yalnız 3 oyununda iştirak imkanı qazanıb. Xatırladaq ki, Azar 2012-19-cu illərdə “Çelsi”nin formasını geyib.