''Real''da varlığı ilə yoxluğu bilinməyən və klub tarixinin ən uğursuz transferlərindən sayılan Eden Azar gününü ehtiyat oyunçular skamyasında keçirməsinə rəğmən yenə də zədə almaq ''məharəti göstərib''.

Klubdan verilən rəsmi məlumatda qeyd olunur ki, təcrübəli futbolçu məşqdə sol dizindən zədə aldığı üçün 2 həftəliyə sıradan çıxıb. İspaniya mətbuatının yazdığına inansaq, bu, belçikalının ''Real'' karyerasında sayca 18-ci zədəsidi! Zədə səbəbi ilə o, indiyə qədər Madrid nəhəngində 74 rəsmi oyun buraxıb.

Xatırladaq ki, 32 yaşlı futbolçu 2019-dan Madriddədi. O, həmin il ''Çelsi''dən 100 milyon avroya transfer edilmişdi. Bu müddət ərzində o, cəmi 73 rəsmi oyun keçirib.