''Qalatasaray'' fanatları nəhayət, uzun müddətdi yolunu səbirsizliklə gözlədikləri Mauro İkardiyə qovuşdular.

"Football-plus.az" xəbər verir ki, ötən mövsüm xarüqələr yaradaraq çempionluqda baş rol oynayan və fanatların sevimlisinə çevrilən argentinalı forvard dünən gecə saatlarında həyat yoldaşı Vanda Nara, eləcə də uşaqları ilə birlikdə İstanbula gəldi.

Gözlənildiyi kimi yüzlərlə fanat bu ailəni Atatürk Hava Limanında böyük coşqu və təmtəraqla qarşıladı Fanatlar hətta qan xərçəngi diaqnozu qoyulan və müalicəyə başlayan Vanda Nara üçün ingilis və italyan dillərində ''keçmiş olsun'' pankartı da açdılar. Bazar günü ''Qalatasaray'' İkardi və Zaha da daxil olmaqla ''Rams Park'' stadionunda bütün yeni transferlər üçün təqdimat mərasimi keçirəcək.

Qeyd edək ki, Türkiyə mətbuatının yazdığına inansaq, İkardinin transferi ''Qalatasaray''a 10 milyon avroya başa gəlib. Futbolçunun özünə isə illik 8,8 milyon avro maaş ödəniləcək. Bu məbləğin 5,3 milyon avrosunu ''Qalatasaray'', 3,5 milyon avrosunu sponsorlar ödəyəcək.

ƏLİ