Bir neçə gün əvvəl “Flamenqo”nu tərk edən Arturo Vidalın karyerasını Braziliyada davam etdirmək şansı vardı. Məşhur futbolçu bu imkandan istifadə edib.


"Football-plus.az" xəbər verir ki, çilili yarımmüdafiəçi “Flamenqo” ilə müddəti 2023-cü ilin dekabrına qədər olan müqaviləsini qarşılıqlı razılıq əsasında pozmuşdu. Arturo qara-qırmızı formanı 2022-ci ildən daşıyırdı. Onun Braziliyanın digər yüksək liqa təmsilçisi “Atletiko Paranaense”yə gözlənilən keçidi rəsmiləşib. 36 yaşlı futbolçu bu klubla cari mövsümün sonuna qədər müddətə hesablanan müqavilə bağlayıb. Başqa sözlə, o, yeni komandasında ilin sonunadək çıxış etmək hüququ qazanıb.