Bir neçə gün əvvəl “İnter”dən ayrılan Arturo Vidalın karyerasını Cənubi Amerikada davam etdirəcəyi haqda yayılan informasiya doğru çıxıb.

Football-plus.az xəbər verir ki, İtaliya klubu ilə müqavilə qarşılıqlı razılaşma əsasında ləğv edilmişdi. Milanlıların sıralarına iki il əvvəl qoşulan çilili yarımmüdafiəçi artıq Braziliyadadı.

35 yaşlı futbolçunun “Flamenqo” ilə bağladığı müqavilənin müddəti 2023-cü ilin sonuna qədər nəzərdə tutulub. Qeyd edək ki, Arturo Avropada daha əvvəl “Bayer-04”, “Yuventus”, “Bavariya” və “Barselona”da da çıxış edib.