"Yarısı doğrudu, yarısı şər-böhtan. Bəli, Xaliq Mərdanov yenidən əvəzedici komandanı çalışdıracaq. Amma bunun səbəbi hər hansı anlaşmazlıq və ya mübahisə deyil. Öz aramızda qərar verdik ki, belə olsun. "Kəpəz-2" də bizə lazımdı. O uşaqlar Gəncə futbolunun gələcəyidi. Xaliq Mərdanov nisbətən daha təcrübəli məşqçi olduğuna görə belə məsləhət bildik. Onu da deyim ki, Xaliqlə kirvəlik münasibətlərimiz, ailəvi gediş-gəlişimiz var. Şükür Allaha, hər şey qaydasındadı. Əminliklə deyə bilərəm ki, "Kəpəz"də tarixində olmadığı qədər səmimi və mehriban dostluq münsibətləri var. İndi bəziləri sifarişlə, ya gözü götürmədiyi üçün Gəncə futbolunun ad-sanını qaralamağa çalışır. Bu üzdən hər kiçik məsələ böyüdülür, üstünə beşi qoyulub tirajlanır. Bəzi jurnalistlər belə şayiələri, böhtanları yayanda heç utanmırlar? Mən media mümayəndələrindən heç vaxt qaçmamışam. Kim zəng edib sual veribsə, cavablamışam. Görəsən, niyə məndən soruşmadan belə dırnaqarası xəbərləri tirajlayırlar?"

"Çox güman, U-19-u çalışdıracaq. Təbii ki, bu ehtimaldı. Qərarı mən vermirəm. Məndə olan məlumat budu".