"İrəvan" bu jurnalistləri məhkəməyə verə bilər - AÇIQLAMA
Mətbuatda yayılan xəbərlərə görə, növbəti mövsüm 1-ci liqada iştirakı təsdiqlənən “İrəvan”da qalmaqal yaşanıb.
İddialara inansaq, klubun idarəçiləri arasında ciddi mübahisə yaranıb. Vəziyyətin gərginləşdiyini görən məşqçilər və futbolçular dərhal stadionu tərk ediblər.
Məlumatın doğru olub-olmadığını öyrənmək məqsədilə "İrəvan"ın mətbuat xidmətinin rəhbəri Mübariz Zeynallı ilə əlaqə saxladıq. O, xəbəri "football-plus.az"a təkzib etdi:
"Qətiyyən, doğru deyil. Klubdakı ab-hava və qarşıya qoyulan məqsədlər çoxuna bəllidi. Bəziləri işimizə qara yaxmaqla məşğuldu. Məlumatı dəqiqləşdirmədən yayan jurnalistlər və media qurumları ilə məhkəmədə görüşməyə hazırıq. Heç kim "İrəvan" haqda dezinformasiya yaya bilməz. İyulun 22-də klubun mətbuat konfransı keçiriləcək. Bütün media əməkdaşlarını dəvət edəcəyik. Kim nəyi öyrənmək istəyirsə, gəlib iştirak edə bilər. Bütün suallar cavablandırılacaq".
KƏNAN BAHADIR
