AFFA İcraiyyə Komitəsinin son qərarı ilə Region Liqasında yarışan 4 komanda - "Araz" (Saatlı), "Difai" (Ağsu), "Karvan" (Yevlax) və "İrəvan" 1-ci divizionda çıxış edəcək.

PFL-in etdiyi son dəyişikliyə əsasən artıq aşağı dəstə 1-ci liqa adlanacaq. Əvəzedicilərin çempionatının da bu yarışdan ayrılması mübarizəyə əlavə rəng qatacaq. Bir sözlə, 2023/24 mövsümündə bizi maraqlı turnir gözləyir.

Komandalar indidən yeni "futbol ili"nin hazırlığına başlayıb. Bunlardan biri də "İrəvan"dı. Qərbi Azərbaycan təmsilçisi Elbrus Məmmədovun rəhbərliyi altında seleksiya xarakterli çalışmalara başlayıb. Komanda dünən "ASK Arena"da toplaєmışdı. Düşərgədə təcrьbəli futbolçularla yanaşı, gənclər də var idi. Nigeriyalı Osaqie Bobbi Endurans, ötən mövsüm "Zirə"də çıxış edən Mirsayib Abbasov, "Xəzər Lənkəran 42"dən İlyas Səfərzadə, "Araz Naxçıvan"dan Fərid Kərimzadə, "Qarabağ-2"dən Elvin Nəsibov, "Qaradağ Lökbatan"dan Nodar Məmmədov, MOİK-dən İbrahim Əliyev, "Zaqatala"dan İbrahim Qədirzadə, Emin Quliyev, "Səbail"dən Balamirzə Soltanov, "Sumqayıt"dan Vüqar Bəybalayev, "Şamaxı"dan Arsen Ağcabəyovla Əli Əliyev diqqətimizi çəkən futbolçulardan idi. Elbrus Məmmədov Aqil Məmmədovla birgə ikitərəfli oyun təşkil edərək futbolçuların potensialını yoxladı. Görünən odu ki, kollektiv yetərincə iddialı olacaq. Rəhbərliklə söhbətimizdən belə başa düşdük ki, "İrəvan"a daha 10-12 futbolзu qoşulacaq. Hətta legionerlər də transfer ediləcək.

Bundan əlavə, "İrəvan"ın strukturu da formalaşıb. Qərbi Azərbaycan təmsilçisində İdarə Heyəti yaradılıb. Qurumun rəhbəri Zülfüqar Kazımovdu. Klubun prezidenti isə Zahid Niyazəliyevdi. Bundan başqa, "İrəvan"ın struktrunda bir neçə vitse-prezident var. Bunlar Alı Alıyev, Oqtay Camalov, Həsən Həsənov və Namik Ramazanovdu. Klubun icraçı direktoru Vüqar Nuruşov, baş menecer isə Elbrus Orucəliyevdi.

Beləliklə, "İrəvan" həm güclü komanda, həm də struktur formalaşdıraraq 1-ci liqada iştirak edəcək. Güclü maliyyə dəstəyi olan komanda ev oyunlarını "ASK Arena"da keçirəcək. Yaxın 1-2 il ərzində "İrəvan"ın akademiyası da fəaliyyətə baєlayacaq. Ümid edirik ki, Qərbi Azərbaycan təmsilçisi ölkə futboluna yeni nəfəs qatacaq.

İLKİN SULTANLI