Sankt-Peterburqda - "Smena" stadionunda üz-üzə gələn "Neftçi" ilə "Fənərbaxça"nın duelinin qalibi Türkiyə təmsilçisi olub - 0:1. "Ağ-qaralar"ın yeni baş məşqçisi Adrian Mutu bu vəzifədə debüt edib.
Matçdan sonra azarkeşlər "Neftçi"nin performansı və Mutu haqda təəssüratlarını sosial şəbəkələrdə bölüşüblər. "Football-plus.az" həmin rəylərdən seçmələri təqdim edir.
"Neftçi Baku Fan Page:
"Bilmirəm mənə elə gəldi, yoxsa doğrudan da ilk hissədə yaxşı oynadıq. Komanda ümid verdi. Deməli, oyunçular deyilən qədər bərbad deyil. 5-6 yaxşı oyunçu alınsa, güclü heyət qurmaq olar. Rəqib sıradan biri deyildi, "Fənərbaxça" idi".
Vəli Nəcəfzadə:
"Son 10 ilin ən yaxşı oyunu idi. Bu oyuna alqış düşür. Mutunun da oyuna müdaxiləsi əladı".
Çələbi Xan:
"Oyunçulardakı qorxaqlıq az da olsa, itib. Mutu liderlik və aqressivlik keyfiyyətlərini komandaya aşılayıb".
Rüstəm Əfəndiyev:
"Maşallah, bunlar qaça bilirmiş. Axır ki, meydanda qaçmaqlarını gördük".
Xəyal Fərzullayev:
"Meydandakı tanıdığımız "Neftçi"di? Gözlərimə inana bilmirəm, afərin, uşaqlar!"
KƏNAN BAHADIR
