Serxio Riko ilə bağlı növbəti xəbərlər yayılıb.

"Footbaqll-plus.az" xəbər verir ki, PSJ-nin qapıçısı tezliklə xəstəxanadan buraxıla bilər.

“The Athletic” qəzetinin məlumatına görə, onun iki həftə ərzində evə buraxılması mümkündü. Xatırladaq ki, Serxio mayın 28-də atdan yıxılaraq ciddi zədə alıb. Ona beynə qan sızması diaqnozu qoyulub. Futbolçu 19 gün komada olub, iyulun 4-də reanimasiyadan adi palataya köçürülüb. Xarici mənbələr Rikonun nevroloji nəticələri olmadan “möcüzəvi” şəkildə sağalmasından xəbər verir. O, 5 həftəlik müalicədən sonra 20 kq-dan çox arıqlayıb və əzələ kütləsinin, demək olar ki, 30 faizini itirib.

Serxionun belə vəziyyətdə karyerasını başa vurmaq ehtimalı yüksəkdi. “The Athletic”in xəbərinə görə, buna 29 yaşlı ispaniyalı futbolçunun başından ciddi xəsarət alması səbəb ola bilər. Rikonun son günlərə qədər danışmadığı bildirilir.