“Klermon”un heyətində Elite U18 yeniyetmə liqasında çıxış edən 17 yaşlı fransalı basketbolçu İssa Ture srağagün Fransanın cənubunda yerləşən basketbol düşərgəsində faciəvi şəkildə ölüb. Yeniyetmə basketbolçu Kane-an-Russilyon çimərliyinin yaxınlığında batıb.

“Football-plus.az” xəbər verir ki, yeniyetmənin itməsi haqda yerli vaxtla saat 16.30-da məlumat yayılsa da, fövqəladə xidmətlər çağırışı 18.00-da alıb. Hadisə yerinə dalğıclar, yanğınsöndürənlər, jandarma, helikopter və dəniz kəşfiyyatının “Falcon 50” təyyarəsi cəlb olunub. Dalğıclar Turenin cəsədini sahilin yaxınlığında tapıb.

Mərhum basketbolçunun ötən mövsüm hər oyunda orta hesabla 10,1 xal topladığını da xatırladaq.