Zeynal Zeynalov millinin biabırçı çıxışının səbəbini AÇIQLADI
Çimərlik futbolu yığmamız Bakıda təşkil olunan DÇ-nin seçmə mərhələsi çərçivəsində bərbad çıxışla yadda qalıb.
"Football-plus.az" xəbər verir ki, A qrupundan yer alan təmsilçimiz ilk görüşdə Moldovaya 2:3, ardınca Estoniyaya 3:7, dünən isə İtaliyaya 2:3 hesabıyla məğlub olub. Komandamız son matçını sabah Litva millisinə qarşı keçirəcək.
Zəif çıxışın səbəbini aydınlaşdırmağa çalışdıq. Komandanın baş məşqçisi Zeynal Zeynalov "Football-plus.az" saytına bunları dedi:"Seçmə mərhələyə uğursuz başladıq. Bunun da əsas səbəbi həyəcan idi. İlk iki oyunda məhz bu səbəbdən məğlub olduq. Moldova ilə Estoniya millilərinə qarşı, demək olar, futbol oynamadıq. Amma adı çəkilən komandaların hər birini məğlub edə bilərdik və etməliydik də. Həyəcanı boğa bilməməyimiz belə nəticələndi. Amma İtaliyaya qarşı oyunda pis oynamadıq. Sadəcə, bəxtsizlikdən üzüldük. Əlbəttə hazırkı nəticələrdən qətiyyən razı deyilik. Qarşımıza qoyduğumuz məqsədə - qrupdan çıxmağa nail ola bilmədik. Amma nikbinik və bu məğlubiyyətlərdən yaxşı dərs alaraq irəli baxmalı, daha yaxşı hazırlaşmalıyıq".
ABDULLA İSMAYILOĞLU
