RDC MMC niyə "Kəpəz"ə yox, "İmişli"yə sponsorluq etməyə razı olub? - SƏBƏB
1-ci liqa təmsilçisi "İmişli", nəhayət ki, sponsor tapdı. Klub RDC MMC ilə sponsorluq müqaviləsi imzalayıb.
Bir neçə gün öncə isə bəlli oldu ki, adı çəkilən şirkət əslində "Kəpəz"ə sponsorluq etməliymiş.
"Football-plus.az" saytı olaraq bu məsələni aydınlaşdırmaq üçün FİF-in icraçı direktoru Tural Piriyevə müraciət etdik:
"RDC MMC şirkətiylə danışığımız zamanı bir neçə kluba sponsorluq etmək təklif olunmuşdu. Onlardan biri də "Kəpəz" idi. Amma favoritlər 1-ci liqa klubları idi. Müzakirələr zamanı şirkətə elita klubları ilə 1-ci liqa təmsiçilərinə himayədarlıq ediləcəyi halda bütün delalları izah etmişdik. Təbii ki, aşağı liqa klublarında sponsorluq şərtləri daha yüngül olur. Bəlkə də məhz bu RDC MMC-nin "İmişli" üzərində seçiminə səbəb oldu. Hər halda, tam dəqiq deyə bilmərik. Şirkət "Kəpəz" rəhbərliyi ilə də danışıqlar masasına oturmuşdu. Niyə razılaşa bilmədiklərini deyə bilmərəm. Gəncə təmsilçisinə sponsor axtarışımız davam edir və edəcək də".
ABDULLA İSMAYILOĞLU
