"Futbolçuların məşqlərə yanaşmasından razı qaldım. Onlar əsl peşəkarlıq nümayiş etdirirlər. Təbii ki, inkişaf etdirməli olduğumuz məqamlar var. Hazırda hər şey planauyğun gedir. İstədiklərimizi tam reallaşdırmaq üçün müəyyən vaxt lazımdı. Bu gün hazırlığın ilkin mərhələsini başa vurduq. Yeni mövsümə hazırlığın ilk mərhələsini Masazırda, ikinci hissəsini isə Qəbələdə keçdik. Əsas çətinliyimiz futbolçuların fərqli vaxtlarda düşərgəyə qoşulması ilə bağlıdı. Məsələn, milli üzvləri bir qədər gec qoşuldu. Düşərgəyə qoşulma müddətindən, hazırlıq səviyyəsindən asılı olaraq, ilkin mərhələdə hər futbolçu üçün fərqli məşq planı tərtib etdik. Vahid məşq planıyla yalnız Qəbələdə məşq etmək imkanımız oldu. Bakıda yoxlama oyunu keçirmək üçün rəqib tapmadıq. Çünki biz hazırlıq prosesinə digər komandalarla müqayisədə bir qədər erkən başlamışdıq. Şadam ki, "Qəbələ" ilə oyunumuz baş tutdu. Belə yaxşı komanda ilə qarşılaşma bizim üçün faydalı oldu. Hər şey planlaşdırdığımız kimi gedir. İki gün sonra Avstriyaya yollanacağıq. Orda 3 yoxlama oyunu keçirməyi nəzərdə tutmuşuq".