Konordan Həbibə inanılmaz hörmətsizlik
UFC versiyası üzrə iki çəkidə sabiq dünya çempionu Konor Makqreqor sosial şəbəkədəki paylaşımına görə kəskin tənqidə məruz qalıb.
“Football-plus.az” xəbər verir ki, irlandiyalı döyüşçü iyulun 3-də belə yazıb:
“Məni mental cəhətdən nə gücləndirdi? Ölü düşmənlərim”.
Fanatların fikrincə, Konorun əzəli və əbədi rəqibi Həbib Nurməhəmmədovun atası Abdulmanapın ölümünün 3-cü ildönümündə belə post yazması təsadüfi deyil. Düzdü, sonradan Konor həmin paylaşımı silib.
Amma azarkeşlər Konorun paylaşımının altında onu qınayan sözlər yazmağa imkan tapıb:
“çox iyrənc və axmaq hərəkətdi”, “xəstə yaramaz”, “sənin ağlın qaçıb”.
Abdulmanap Nurməhəmmədov Dağıstan Respublikasının döyüş sambosu üzrə yığmasının böyük məşqisi idi. 2020-ci ilin iyulunda koronavirusdan dünyasını dəyişib.
Digər xəbərlər
