“İndi bizim “Bellator”da çempionumuz var, UFC-də çempionumuz var. Çox illər əvvəl bir oğlan belə demişdi: “Biz ona görə burdayıq ki, idarə edək”. Ancaq əslində BİZ idarə etmək üçün burdayıq (Konorun məşhur “we are not here to take part, we are here to take over” ifadəsinə işarə edir – red.). Mən bura gələndə gördüm ki, komandamızdan 12-13 döyüşçünün peşəkar rinqdə, demək olar ki, 300 qələbəsi var. Bu ağılsızlıqdı. Heç kim və heç vaxt MMA dünyasında bunu bacarmayıb. Xoşbəxtəm, ona görə ki, bunun atamın əməyi olduğunu bilirəm. Hətta indi də onun irsi davam edir”.

“Mən döyüşməyə davam edirəm. Atanın planı yerinə yetirilməyib, ona görə ki, sən yerindən sıçradın və qaçdın, qardaş. Bura bir daha gəlmək istəyirsənsə, buyur, mən burdayam. Məğlubiyyət qorxun artıq o deməkdi ki, sən uduzmusan. İstədiyin qədər bundan qaça bilərsən. Sonda biz hamımız uduzuruq. Ölüm hamımızı aparır. Mən Allahdan başqa heç kimdən qorxmuram”.