Kristof Qaltye saxlanılıb. PSJ-nin baş məşqçisi irqi və dini ayrıseçkiliyə görə oğlu Con Valoviç-Qaltye ilə birgə məsuliyyətə cəlb olunub.

“Football-plus.az” xəbər verir ki, 56 yaşlı mütəxəssis və agent olan oğlu irqçilikdə ittiham edilirlər. Onlar Fransanın hüquq-mühafizə orqanına bununla bağlı ifadə veriblər. Ata və övladı 2021-22-ci ilərdə “Nitsa”da işləyərkən futbolçular arasında ayrı-seçkilik etməkdə şübhəli bilinirlər. Qaltyenin baş məşqçi kimi klubun idman direktoru Jülyen Furnyeyə “komandada bu qədər qaradərili və müsəlman ola bilməz” yazdığı ortaya çıxmışdı.

Bu işlə bağlı məhkəmə prosesi dekabrın 15-də Nitsada keçiriləcək. İttiham sübuta yetiriləcəyi halda ona 3 ilədək həbs və 45 min avro cərimə cəzası verilə bilər.