Ötən mövsüm turnir cədvəlinin 8-ci pilləsində qərarlaşan “Kəpəz” bu dəfə gözünü daha yuxarılara dikib. Tərlan Əhmədovu yola salan rəhbərlik yeni baş məşqçi ilə arzusuna çatacağına inanır. Azər Məmmədov da yeni heyəti məhz bu məqsədlə formalaşdırır ki, tələbləri yerinə yetirə bilsin.

"Football-plus.az" saytının əldə etdiyi məlumata görə, çalışdırıcının qapını həvalə edəcəyi şəxs artıq bəllidi. Bu, Belarus millisinin üzvü Vladislav Vasilyuçekdi. 29 yaşlı qapıçı ilə tezliklə 1 illik müqavilə bağlanacaq.

Maraq üçün qeyd edək ki, Vasilyuçek 3 il öncə Belarus millisinin heyətində yığmamıza qarşı mübarizə aparıb. Sözügedən matç təmsilçimizin 2:1 hesablı qələbəsi ilə yekunlaşıb.

KƏNAN BAHADIR