“Neftçi” heyətini yeni hücumçu ilə gücləndirməyə hazırlaşır.

"Football-plus.az" xəbər verir ki, “ağ-qaralar” “Minsk”in forvardı Eqor Boqomolski ilə razılaşıb. Bu barədə belaruslu journalist Vladislav Tatur teleqram kanalında məlumat yayıb.

“Neftçi” 22 yaşlı futbolçu üçün “Minsk”ə təzminat ödəyəcək. Eqorun yaxın zamanda Azərbaycan klubu ilə rəsmi müqavilə imzalayacağı bildirilir.

Belarus millisinin də üzvü olan Boqomolski bu mövsüm 15 oyunda 8 qol, 2 məhsuldar ötürmə ilə yadda qalıb. Forvard bu ildən Belarus yığmasına dəvət alır.