Bu gün "Match Tv" kubokuna start verildi.

"Football-plus.az" xəbər verir ki, turnirin açılış matçında "Zenit" "Neftçi"ni 3:1 hesabı ilə məğlub etdi.

Qarşılaşmanın maraqlı məqamlarını diqqətinizə çatdırırıq:

* "Qazprom arena"da oyunu 25 min azarkeş izləyirdi.
* Təxminən 300 nəfərdən çox azərbaycanlı azarkeş qarşılaşmaya stadiondan tamaşa edirdi.
* Oyunu izləyənlər arasında "Neftçi" rəhbərliyindən yalnız prezident Kamran Quliyevlə vitse-prezident Elnur Eyvazov var idi. SOCAR rəsmilərindən heç kim qarşılaşmanın keçirildiyi stadiona təşrif buyurmamışdı.
* Görüş başlamamışdan öncə topa ilk toxunuşu rusiyalı qaydasız döyüşçü Pyotr Yan etdi.
* Hesabı açan Mateus Saldanya "Neftçi"dəki karyerası ərzində ilk dəfə 11 metrlik cərimə zərbəsindən qol vurdu.
* İkinci hissədə meydana daxil olan Mantuan 4 dəqiqə sonra hesabı bərabərləşdirdi. Maraq üçün bildirək ki, braziliyalı "Zenit"in heyətində ötən mövsümün ən baxımlı qolunun müəllifi olub.
* Rusiya təmsilçisinin 3-cü qolunun müəllifi olan Zəlimxan Bakayev bu gün doğum gününü qeyd edirdi. Yarımmüdafiəçi 26 yaşı tamam olan gün "Neftçi"ni məyus etdi.
* Qarşılaşmanın sonlarında "Zenit"in futbolçusu ilə toqquşan Aqil Məmmədov huşunu itirdi. Azərbaycanlı qolkiper təcili tibbi yardımın müdaxiləsindən sonra meydanı tərk etdi.
* Aqil Məmmədovun əvəzinə görüşə start heyətində daxil olan İvan Brkiç girdi. Bəlkə də futbol tarixində bir ilk yaşandı ki, meydandan çıxan oyunçu yenə oyuna qayıda bildi.
* "Match TV"nin rəsmi "teleqram" kanalında keçirilən sorğuda Klaudinyo 54 faiz səslə qarşılaşmanın ən yaxşı oyunçusu seçildi. İkinci sırada isə Mateus Saldanya yer aldı. Braziliyalı 14 faiz səs toplaya bildi.

İLKİN SULTANLI