"Araz"ın aldadılan təsisçisini PFL-ə dəvət ediblər - AÇIQLAMA
1-ci liqa start götürməmiş Saatlı təmsilcisi "Araz"ın çempionatdan çəkiləcəyi haqda xəbərlər yayılıb.
Bəs gerçəklik necədi? "Football-plus.az" saytı olaraq, bu xəbərin nə dərəcədə real olduğunu aydınlaşdırmaq üçün "Araz"ın təsisçisi Xəyal Məmmədovla əlaqə saxladıq:
"Ondan başlayım ki, 2018-ci ildə "Araz"ı yaratmışıq. Mən klubun təsisçisi, atam Güloğlan Məmmədov isə direktordu. Komanda 5 ildi Region Liqasında sabit çıxış edir, indiyə kimi bir dəfə də qaydalardan kənara çıxmamışıq. Klubu da atamla birgə şəxsi vəsaitimizlə idarə edirik. Komandanı ayaqda saxlamaq üçün nə qədər mal-qaramızı satmışıq. Problem o idi ki, çempionatda daha böyük hədəflər uğrunda mübarizə apara bilmirdik. Amma ötən il sıçrayış etdik və pley-offa qədər irəlilədik.
Uğurlu çıxışdan sonra əslən Saatlının Genişkənd kəndindən olan Ədalət Abdullayev adlı şəxs bizimlə əlaqə qurdu. Münasibət yarandı, sonra bəlli oldu ki, o Bakı Hava Limanında uçuş qeydiyyatı ilə məşğuldu. Ədalət dedi ki, var gücünüzlə döyüşən və uğurla çıxış edən komandasız, gəlin sizə kömək göstərim, sponsorlar tapmağa çalışım və komandanı peşəkar liqaya çıxaraq. Onun təklifinə çox sevindik. Qərara aldıq ki, hələlik Ədalət Abdullayevi icraçı direktor təyin edək. Hətta dəfələrlə vurğuladım ki, kluba sponsor tap, 1-ci liqada çıxışımız qətiləşsin, səni atamın yerinə direktor təyin edəcəm. Atam da buna razı idi.
Digər şərtimiz o oldu ki, təşkilatı işlər sizin üzərinizdə olsa da, biz komandada qalacağıq və normal maaş alacağıq. Ədalət də şərtimizlə razılaşdı. Hətta Şəhriyar Məmmədovu da komandaya baş məşqçi kimi gətirdi. Buna da etiraz etmədik. Bircə xahişimiz o oldu ki, bu vaxta kimi kluba rəhbərlik edən Anar Cəbrayılov köməkçi məşqçi olsun. Burda da razılaşdıq.
Sonra adam bizim səmimiyyətimizdən, etibarımızdan sui-istifadə etdi. O, klubumuzun adını, loqosunu dəyişdirib, yeni VÖEN hesabı açdırıb və özünü yeganə rəhbər kimi göstərib. Onu da xüsusi vurğulayım ki, komandamızın rəsmi adı "Saatlı Araz FK"dı. Ədalət isə yeni adla "Saatlı Araz SC" təsis edib.Qısası, adam əmlakımıza, klubumuza sahiblənib. Bu işdən xəbər tutan kimi dərhal PFL rəhbərliyinə şikayətimizi bildirdik.
1-ci gün bizi PFL-ə dəvət ediblər, orda məsələyə aydınlıq gəlməlidi. Haqqımız qorunmasa, rəsmi qaydada hüquq-mühafizə orqanlarına şikayət edəcəyik. Bütün səlahiyyətlərimiz bərpa olunsa, 1-ci liqada çıxış edəcəyik".
Uğurlu çıxışdan sonra əslən Saatlının Genişkənd kəndindən olan Ədalət Abdullayev adlı şəxs bizimlə əlaqə qurdu. Münasibət yarandı, sonra bəlli oldu ki, o Bakı Hava Limanında uçuş qeydiyyatı ilə məşğuldu. Ədalət dedi ki, var gücünüzlə döyüşən və uğurla çıxış edən komandasız, gəlin sizə kömək göstərim, sponsorlar tapmağa çalışım və komandanı peşəkar liqaya çıxaraq. Onun təklifinə çox sevindik. Qərara aldıq ki, hələlik Ədalət Abdullayevi icraçı direktor təyin edək. Hətta dəfələrlə vurğuladım ki, kluba sponsor tap, 1-ci liqada çıxışımız qətiləşsin, səni atamın yerinə direktor təyin edəcəm. Atam da buna razı idi.
Digər şərtimiz o oldu ki, təşkilatı işlər sizin üzərinizdə olsa da, biz komandada qalacağıq və normal maaş alacağıq. Ədalət də şərtimizlə razılaşdı. Hətta Şəhriyar Məmmədovu da komandaya baş məşqçi kimi gətirdi. Buna da etiraz etmədik. Bircə xahişimiz o oldu ki, bu vaxta kimi kluba rəhbərlik edən Anar Cəbrayılov köməkçi məşqçi olsun. Burda da razılaşdıq.
Sonra adam bizim səmimiyyətimizdən, etibarımızdan sui-istifadə etdi. O, klubumuzun adını, loqosunu dəyişdirib, yeni VÖEN hesabı açdırıb və özünü yeganə rəhbər kimi göstərib. Onu da xüsusi vurğulayım ki, komandamızın rəsmi adı "Saatlı Araz FK"dı. Ədalət isə yeni adla "Saatlı Araz SC" təsis edib.Qısası, adam əmlakımıza, klubumuza sahiblənib. Bu işdən xəbər tutan kimi dərhal PFL rəhbərliyinə şikayətimizi bildirdik.
1-ci gün bizi PFL-ə dəvət ediblər, orda məsələyə aydınlıq gəlməlidi. Haqqımız qorunmasa, rəsmi qaydada hüquq-mühafizə orqanlarına şikayət edəcəyik. Bütün səlahiyyətlərimiz bərpa olunsa, 1-ci liqada çıxış edəcəyik".
ABDULLA İSMAYILOĞLU
Digər xəbərlər
