Monteneqrolu futbolçular "Qarabağ"dan ayrılıb? - AÇIQLAMA
"Qarabağ" Avstriyada təlim-məşq toplanışını davam etdirir.
"Football-plus.az" xəbər verir ki, "köhlən atlar"ın düşərgəsinə 2 futbolçu qoşulmayıb. Söhbət Marko Veşoviçlə Marko Yankoviçdən gedir. Onlar hardadı? Nə üçün toplanışda iştirak etmirlər? Suallarımızı klubun mətbuat xidmətinin əməkdaşı Elvar Quliyevə ünvanladıq:
"Hər iki futbolçu Monteneqro millisinin düşərgəsində idi. Onların son oyunu iyunun 20-də Çexiyaya qarşı olub. Adamlar normal istirahət etməyib. Bu səbəbdən də Qurban müəllim hər iki futbolçuya bir neçə gün əlavə tətil verdi. Sabah Avstriyaya gələcəklər. Əslində Luka da millinin düşərgəsində idi. Sadəcə, o, birbaşa Avstriyaya gələrək düşərgəmizə qoşuldu".
İLKİN SULTANLI
Digər xəbərlər
