“Qarabağ” təlim-məşq toplanışı üçün Avstriyaya yollanır.

"Football-plus.az" klubun rəsmi saytına istinadən xəbər verir ki, ölkə çempionu yeni mövsümün hazırlığını Tirolda keçirəcək.

Qurban Qurbanovun kollektivi orada olduğu müddətdə 3 yoxlama görüşü keçirməyi planlaşdırır. Komanda iyunun 27-də “Ferentsvaroş” (Macarıstan), iyulun 1-də isə “Legiya” (Polşa) ilə üz-üzə gələcək. Digər rəqiblə bağlı danışıqlar davam edir.

Qeyd edək ki, “Qarabağ”ın ilk rəsmi matçı Çempionlar Liqasının 1-ci təsnifat mərhələsində Cəbəllütariq təmsilçisi “Linkoln”a qarşı olacaq. Görüş iyulun 11-də və ya 12-də səfərdə baş tutacaq.