"İşlərin sürətli irəlilədiyini demək olmaz. Hələ ki heyətin qurulmasıyla bağlı danışıqlar yekunlaşmayıb. Başqa klublarda da belədi. Düzgün seçim etmək üçün səbirli davranırıq. Bəzi futbolçularla danışıq aparmışıq, onlardan xəbər gözləyirik. Razılaşdığımız futbolçular da var ki, tezliklə adını ictimaiyyətə açıqlayacağıq. Sponsor məsələsi həll olunmadığına görə transfer məsələsində hələ ki çətinlik çəkirəm. Müşahidə Şurası yaradılandan sonra oyunçu seçimim asanlaşacaq. Maliyyə həll olunandan sonra hansı qiymətdə futbolçu ilə çalışa biləcəyimi öyrənəcəm. Yəqin ki, 2-3 günə bu istiqamətdə qaranlıq məqamlara aydınlıq gələcək. Köməkçilərim isə artıq bəllidi. Araz Bağırov və Rail Məlikov ilə birgə çalışacağıq. Ramiz Kərimov isə qapıçılar üzrə məşqçi olacaq. Fiziki hazırlıq üzrə məşqçimiz hələ dəqiqləşməyib".

"Türkiyəyə daha yaxınıq. Ya Boluda, ya da Ərzurumda toplana bilərik. Yəqin ki, Ərzurum olacaq. Orda istədiyimiz rəqiblərlə qarşılaşmaq ehtimalı daha yüksəkdi".

"Qazon və işıqlandırma ilə bağlı işlər başa çatmayıb. Çalışırıq ki, çempionat başlayana qədər stadionla bağlı bütün çatışmazlıqları aradan qaldıraq. Alınmasa, 3-4 ev oyununu Bakıda keçirəcəyik. Düzdü, Naxçıvanda oynaya bilsək, daha yaxşı olar. Çünki bu bölgəyə böyük futbolu qaytarmaq, azarkeşləri sevindirmək və əvvəlki ab-havanı geri gətirmək istəyirik. Bu, mütləq baş verəcək. Paytaxtda oynasaq, iki stadiondan birini seçəcəyik: ya "Dalğa Arena"nı, ya da "ASK Arena"nı. Bu rəhbərliyin qərarından asılıdı".