“Bu iclas Azərbaycan futbol tarixinin önəmli səhifələrindən biri oldu. Demək olar ki, bütün qərarlardan razı qaldım. Bundan sonra rəqabətin, həvəsin, qələbə uğrunda mübarizənin və azarkeş dəstəyinin daha dərin hiss olunmasına şahidlik edəcəyik.

Ən önəmlisi odu ki, idman prinsipini qoruduq. Belə də olmalıydı. Mətbuatda premyer-liqada 12 komandanın olacağı haqda bir neçə aydı yazılar dərc edilməsinə baxmayaraq, iclasda bu mövzu müzakirə edilmədi. Qarşıdakı mövsümlərdə də idman prinsipinə sadiq qalacağıq. Bir qapı bağlanırsa, digəri açılmalıdı. Artıq qapını kimin açıb, kimin bağlayacağına klublar özləri qərar verəcək. Hər üç liqada həyəcanlı matçların şahidi olacağımıza inanıram. Çünki idman prinsipi hamısına aiddi.

Qadın futbolunun inkişafına da xüsusi diqqət ayrılacaq. Görüləcək işlər nəzərdən keçirilib. Bu istiqamətdə tezliklə addımlar atılacaq.

Ümumilikdə onu deyə bilərəm ki, səmərəli qərarlar alındı. Vacib mövzuları müzakirə etdik. İnanıram ki, yekun nəticədə atılan addımlar Azərbaycan futbolunun inkişafını sürətləndirəcək”.