Ueyn Qretskinin MHL-də son xalını toplayarkən əynində olan imzalı sviteri “Grey Flannel Auctions” hərracında 715 min 120 dollara satılıb.

"Football-plus.az" xəbər verir ki, əfsanəvi hokkeyçu həmin sviteri 1999-cu il aprelin 18-də MHL-də keçirdiyi sonuncu oyunda geyib. Onda “Reyncers”in şərəfini qoruyan kanadalı liqada sonuncu – 2857-ci xalını toplayıb. Ueynin imzaladığı sviter 2016-19-cu illər aralığında Nyu-Yorkdakı muzeylərin birində nümayiş olunub.

Hokkey sviterinin satışına dair ən yüksək rekord qeydə alınıb. Əvvəlki rekord Mayk Eruzionenin Leyk-Plesid Qış Olimpiadasında SSRİ və ABŞ yığmaları arasında keçirilən oyunda geydiyi sviterlə bağlı idi. Həmin geyim 2013-cü ildə 657 min 250 dollara satılmışdı.

Hokkey sviterlərinin satışı ilə bağlı daha iki rekord var. Elə həmin Qretskinin “Edmonton”da geydiyi daha bir imzalı sviter 1,452 milyon, Kanada yığmasının oyunçusu Pol Hendersonun 1972-ci ildə SSRİ yığmasına qarşı seriyada geydiyi sviter isə 1,275 milyon dollara satılıb.