Ötən il olduğu kimi bu yay da belə görünür, dünya futbol ictimaiyyətinin əsas mövzusu Kilian Mbappe olacaq.

"Football-plus.az" xatırladır ki, məhşur forvard ötən yay ''Real''a keçməyin bir addımlığında idi. Amma o, son anda fikrini dəyişərək astronomik pullar qarşılığında PSJ-də qaldı və ''2+1'' illik müqaviləyə imza atdı.

Bununla belə 24 yaşlı futbolçu rəhbərliyin siyasətindən narazıdı. O, bildirib ki, heç bir halda birillik şərti müqavilənin qüvvəyə minməsini istəmir. Bu da o deməkdi ki, PSJ ya Mbappeni gələn yay pulsuz buraxmalı, ya da bu yay satmalıdı. Fransa ilə dünya çempionluğunu qazanmış Mbappe klubla yeni müqavilə imzalamaq istəmir.

Həmişəki kimi yenə onun ''Real''a keçəcəyi ilə bağlı çoxsaylı şaiyələr yayılıb. Ötən il son variant kimi Fransa prezidenti Emmanuel Makron məsələyə qarışmışdı. Məhz onun xaişindən sonra Kilian Parisdə qalmışdı.

Deyəsən, bu dəfə yenə eyni ssenarinin şahidi olacağıq. Fransada bu qədər problemlər və etirazların fonunda Makron yenə də Mbappeyə vaxt ayıraraq onunla görüşəcəyini deyib. Belə ki, klubun azyaşlı fanatlarından biri prezidentdən Mbappenin Parisdə qalıb-qalmayacağını soruşub.

Makronun cavabı belə olub: