“Səhhətimdəki problemlərdən xəbəriniz var. Vəziyyətim ağırdı. Məni uzun müalicə prosesi gözləyir. Bununla bağlı tələb olunan vəsait böyük idi. Bu da maddi baxımdan məni bir az sıxıntıya saldı. Xoşbəxtlikdən xeyirxah insanların dəstəyi, yardımı ilə, demək olar, bu məbləğ yığıldı və çox cüzi bir hissəsi qalıb. Ancaq neçə həftədi çatışmayan hissəni toplayıb hüquqi proseslərə, daha sonra isə müalicəyə başlaya bilmirəm. Həkimlərim də tələsdirir. Çünki günbəgün vəziyyətim ağırlaşır, ağrılar artır. Xəstəliyim ağır dərəcəli skolioz və buna bağlı daxili orqanların sıxışmasıdı. Adicə nəfəs almaqda belə çətinlik çəkirəm, yatarkən, uzanarkən boğulmalar, nəfəs darlığı olur. Problemlərim, demək olar, həll olunub. Lazımi vəsait yığılıb. Sadəcə, çox kiçik bir hissəsi qalıb. 3-4 min manat civarında pul lazımdı. Neçə həftədi bu məbləği toplayıb lazımi proseslərə başlaya bilmirəm. Demək olar, bu pulu borc kimi tapmaq üçün belə çox qapı döydüm, çoxlarına yazdım, xahiş etdim, heç cür alındıra bilmədim. Sonda məcbur qalıb səhifələrimi belə satışa çıxardım. Hərçənd 10 ildi bunlara zəhmət çəkmişəm, gecəmi-gündüzümü vermişəm. Nə qədər ağır olsa da, buna qərar verdim. Ancaq yenə də ümidimi itirmirəm. Azərbaycan futbolu kiçik bir ailədi. Özümü bu ailədən biri sayıram. İnanır və ümid edirəm ki, ailəm məni yalqız buraxmayacaq. Daha kiməsə yazmağa utanıram. Futbolçular bundan əvvəl dəfələrlə kömək edib, sağ olsunlar. Onlara yazmağa və ya nəsə deməyə daha üzüm gəlmir. Mənə əslində həqiqətən borc lazımdı. Bu çətin vəziyyətdən çıxım, sonra qaytarmaq asandı. Özümə də kredit düşmür, atam götürüb, nəyi varsa, satıb. Başqa cür alınmır daha, bilmirəm nə edim, necə çıxış yolu tapım”.