Məlum olduğu kimi iyunun 11-də İzmirdə keçiriləcək Türkiyə kubokunun finalında ''Fənərbaxça'' ilə ''İstanbul BŞ'' üz-üzə gələcək.

“Football-plus.az” xəbər verir ki, ''sarı-lacivərdlilər'' 9 ildi, davam edən titul həsrətinə bu oyunda son qoya bilərlər. Bu arada ''Fənər''in 2 üzvü Coşua Kinq ilə Migel Kresponun maraqlı səbəbə görə oyunu buraxacağı məlum olub. Belə ki, iyunun 10-də hər iki futbolçunun toyudu. Həm Kinq, həm də Krespo bu cür planlaşdırmanı hələ mövsümün əvvəlində edibmiş. Zəlzələ olmasaydı, Türkiyədə futbol mövsümü çoxdan başa çatmışdı. Ona görə də hər iki oyunçu məşqçilər korpusu və rəhbərliyin xüsusi icazəsi ilə kubokun finalını buraxacaq. Qeyd edək ki, ''Fənər'' tarixinin 7-ci, ''İstanbul BŞ'' isə ilk kubokunu qazanmağa çalışacaq.