"Qarabağ" 2023/24 mövsümündə "Adidas" şirkətinin forma və dəstlərini geyinəcək.

"Football-plus.az" xəbər verir ki, bunu klubun rəsmi saytı yayıb. Bundan öncə Ağdam təmsilçisi yerli brend "İl'Azero"dan istifadə edirdi. Lakin "köhlən atlar"ın bu şirkətlə anlaşması 1 mövsümdəb artıq çəkmədi. Bunun səbəbi ilə bağlı redaksiyamıza maraqlı informasiya daxil olub. Sən demə, "Qarabağ" rəhbərliyi Azərbaycan şirkəti ilə yola davam etmək istəyirmiş. Lakin yerli brend "köhlən atlar"ın təklifləri ilə razılaşmayıb. Geyim tərəfdaşları komandaların uğurlarına görə klublara güzəştlər edir. "Qarabağ" ötən mövsüm Konfrans Liqasında pley-off mərhələsində müarizəni dayandırıb, premyer-liqada isə çempion olub. Lakin şirkət bu uğurlara görə ağdamlılara güzəşt etməyib. "Köhlən atlar" yerli brenddən qiymətdə güzəşt edilməsini istəsə də, bu da fayda verməyib. "Qarabağ" rəhbərliyi də daha münasib təkliflər irəli sürən "Adidas"la razılaşıb.

İLKİN SULTANLI