"İndiki məqamda kubok daha vacibdi"
Sabah Azərbaycan kubokunda mövsümə yekun vurulacaq.
"Football-plus.az" xəbər verir ki, final matçında "Neftçi" ilə "Qəbələ" qarşılaşacaq. Oyundan öncə "ağ-qaralar"ın kapitanı Emin Mahmudov mətbuat konfransında iştirak edib. Sizi futbolçunun fikirləri ilə tanış edirik:
"Yaxşı komandaya qarşı oynayacağıq. "Qəbələ" topla oynamağı sevir. Çalışırlar ki, daha çox topa nəzarət etsinlər. Öz oyunumuzu göstərərək, qələbə qazanmaq istəyirik. Finaldı. Hamı qazanmaq istəyir. Çalışacağıq ki, hər şeyi edək və kubok bizim olsun".
- "Qəbələ" çempionatda avrokuboklara vəsiqəni təmin etdi. "Neftçi" isə titul qazanmalıdı. Bu, təzyiq yaradır?
- İnanmıram. "Qəbələ" də bizim kimi kuboku istəyir. Ona görə də deməzdim ki, təzyiq bizdə daha çoxdu. Hər iki tərəfdə eynidi. Bütün komandalar titul qazanmaq istəyir.
- "Neftçi"də qalacaqsan? Klub rəhbərliyinə cavabını nə vaxt deyəcəksən?
- Düşünməmişəm. Mənim üçün ilk kubok finalıdı. Bütün konsentrasiyam oyunadı. Müqavilə o qədər də böyük problem deyil. İndiki məqamda kubok daha vacibdi, nəinki yeni sözləşmə məsələsi.
Digər xəbərlər
