Misli premyer-liqasında son tura yekun vurulur.

“Football-plus.az” xəbər verir ki, “Neftçi” “Sabah”ı qəbul edib - 1:0. Oyundan sonra meydan sahiblərinin çalışdırıcısı Laurentsiu Regekampfın mətbuat konfransı keçirilib. Sizi mütəxəssisin fikirləri ilə tanış edirik:

- "Neftçi" kuboku qazana bilməsə, postunuzda qalacaqsız?
- Zəhmət olmasa, bir az hörmətlə sual verin. Necə belə bir sual verə bilərsiz? Çox axmaq sualdı. Bu, mənə qarşı hörmətsizlikdi.

- Əvvəlki 3 oyunda "Neftçi" "Sabah"a məğlub olmuşdu. Sizcə, qələbə üçün hansı məqamlar çatmırdı?
- Əvvəlki matçlarda nələrin çatışmadığını xatırlamaq istəmirəm. Tam olaraq bu oyuna köklənmişdim. Bu qarşılaşmadan sonra kuboku fikirləşməyə çalışacam. Çox dərinliyə gedib "Sabah"la matçlarımızı təhlil etmək istəmirəm. Sevindirici haldı ki, bu gün qələbə qazanan tərəf biz olduq.

- "Qəbələ" final matçına kimi Konfrans Liqasına vəsiqəni təmin etdi. Bu məqam oyuna necə təsir göstərəcək?
- Bu, final görüşüdü. Hər komanda üçün titul vacibdi. Final elədi ki, heç kim oyundan əvvəl qalib olmur. Hər komandanın şansı 50/50-di. Biriləm ki, hər iki komanda kuboku qazanmaq üçün sona kimi mübarizə aparacaq. Məncə bu cür matçlarda hansı kollektiv yaxşı köklənsə, yaxşı hazırlaşsa, kuboku qazanmaq üçün onun üstünlüyü olacaq. Bəxtimizdən final oyunu doğma stadionumuzda keçiriləcək. Tribunaların dolu olacağını gözləyirik. Azarkeşlərimizin dəstəyi ilə qələbə qazanıb titula yiələnmək istəyirik.

- Azarkeşləri stadiona cəlb etmək üçün nə demək istəyirsiz?
- Hər şeyə söz verə bilərəm. Stadionu doldurmaq üçün nə lazımdırsa, onu edərəm. Hər iki komanda qələbə qazaanmaq üçün çalışacaq. Döyüş ruhlu, açıq oyun olacaq. Matçı izləməyə gələn fanatlarımız üçün kuboku qazanmalıyıq.