Futzal Federasiyasının prezidenti Zaur Axundov növbəti mövsümdə futzal üzrə yüksək liqada komanda sayının artrılması ilə bağlı təklif irəli sürüb. Axundov İcraiyyə Komitəsinin növbəti iclasında bu məsələnin gündəmə çıxarılmasını, həmçinin iştirakçı komandaların hər birinə AFFA tərəfindən illik 200 min manat ayrılmasını istəyir.

Federasiya prezidenti təxminən bir ay öncə “Football-plus.az” saytına müsahibəsində yüksək liqanın səviyyəsinin artırılması üçün Qazaxıstan təcrübəsindən yararlanmağın məqsədəuyğun olduğunu da söyləmişdi. Zaur bəy Qazaxıstanda yüksək liqada çıxış edən klubların hər birinin nəzdində futzal komandasının fəaliyyət göstərdiyini və onların futzal çempionatında mübarizə apardığını bildirmişdi.

Hələ ki bizdə bu təcrübədən istifadə olunmasa da, deyəsən, yenilik olacaq. “Football-plus.az” saytının əldə etdiyi məlumata görə, böyük futbola və basketbola diqqət ayrıan “Sabah” rəhbərliyi 2023/24 mövsümündə futzal komandasının da daxili çempionatda mübarizə aparmasını istəyir. Mənbəmizin sözlərinə inansaq, artıq bu yöndə çalışmalara start verilib. Rəsmilərin bəzi futzalçılarla görüşüb danışdığı da gəzən söz-söhbət arasındadı.

RƏŞAD