“Həbib qazandığının yarısını bizə payladı”
Amerika Kikboksinq Akademiyasının zalının baş məşqçisi Xavyer Mendes UFC versiyası üzrə yüngül çəkidə sabiq dünya çempionu Həbib Nurməhəmmədovla (29-0) bağlı maraqlı xatirə paylaşıb.
"Football-plus.az" həmin fikirləri təqdim edir:
“Xatırlayıram ki, biz bir dəfə Las-Veqasda olanda Həbib avtoqraf paylayırdı. İmza atdığına görə yaxşı pul qazanırdı. Biz otağa qayıdanda Movlid Xaybulayev mənə yaxınlaşıb dedi: “Bunu götür, hoca”. Baxıb görürəm ki, 1000 dollar uzadır. Cavab verdim ki, bu mənim pulum deyil. O isə pulun Həbibin hədiyyəsi olduğunu dedi. Həbib hər kəsə 1000 dollar paylamışdı, ona görə ki, yaxşı qazanmışdı. Düzünü desəm, qazancının yarısını bizə payladı. Həbib yaxşı adamdı, ailəsinin, qardaşlarının, döyüşçülərin qayğısını çəkir. Çoxları, sadəcə, anlamırlar ki, onun necə geniş qəlbi və böyük ürəyi var”.
Xatırladaq ki, Həbib 2020-ci il oktyabrın 24-də keçirilən UFC 254 turnirində Castin Qetjiyə qalib gələndən sonra karyerasını bitirib, rinqdən məğlubiyyət üzü görmədən ayrılıb.
Digər xəbərlər
