Sabiq UFC çempionu Toni Ferqyuson özü kimi yüngül çəkidə sabiq çempion olan Həbib Nurməhəmmədova müraciət edərək, “The Ultimate Fighter” yarışlarının yeni mövsümü üçün müqavilə imzalamağa çağırıb:

UFC rəhbəri Dana Uaytın bir müddət əvvəl Nurməhəmmədov və Ferqyusonun iştirakı ilə yeni döyüş təşkil edə biləcəyini dediyini nəzərə alsaq, belə çağırış anlaşılandı. Ferqyuson mayın 8-də keçirdiyi sonuncu döyüşdə Maykl Çendlerə nokautla uduzub. Nurməhəmmədov isə 2020-ci il oktyabrın 24-də Castin Qetjiyə qalib gələndən sonra karyerasını bitirib və təbii ki, yüngül çəkidə çempion titulu ilə vidalaşmalı olub. İş ondadı ki, UFC 5 dəfə Nurməhəmmədov – Ferqyuson döyüşünü təşkil etməyə çalışıb və bu cəhdlərin heç biri alınmayıb. Döyüşçülər əvvəlcə 2015-də, ardından 2016-da, 2017-də, 2018-də qarşılaşmalıydılar. Bu döyüşün təşkili ilə bağlı sonuncu cəhd 2020-də uğursuzluğa düçar olub.