"Məni tanıyanlar yaxşı bilir ki, Qarabağ aşiqiyəm. O bölgənin hər yeri mənim üçün əzizidi. Odu ki, Qarabağ zonasından olan komandalara azarkeşlik edirəm. Amma əvvəli dediyim sözün üstündə də dururam. "Qusar" turnirin favoritidi. İllərdi çempionatda oynayırlar, heyətdə güclü və təcrübəli futbolçular var. Bizə qarşı oyunu sərgiləsələr, çempion olacaqlar.

"Çinar-Zəngilan" bu mövsümdən Region Liqasına qoşulsa da, oyun və nəticələriylə çoxlarını təəccübləndirdi. Finala qədər gəliblərsə, deməli, böyük sıçrayış ediblər. Bu bir qarabağlı kimi məni də sevindirir. Finalda şansları 60-ın 40-a "Qusar"ın xeyrinə qiymətləndirirəm. Amma futbolda hər şey olur. İnanıram ki, güclü olan qalib gələcək".