Luis Araujo “Atlanta Yunayted”i tərk edib. Braziliyalı futbolçu vətəninə qayıdıb.

“Football-plus.az” xəbər verir ki, o, bundan sonra “Flamenqo”da çıxış edəcək. Braziliya klubu hücumçuya görə 9 milyon avro ödəyib. 26 yaşlı futbolçu “Flamenqo” ilə 4 illik müqaviləyə qol çəkib. Luis rio de janeyroluların sıralarına iyul ayında qoşulacaq. O, ABŞ klubuna 2021-ci ilin avqustunda 11,5 milyon avroya “Lill”dən keçmişdi. Araujo “Atlanta Yunayted”in heyətində keçirdiyi 60 oyunda 13 qol vurub və 11 məhsuldar ötürmə verib. Onun daha əvvəl “San Paulu” və “Mirasol”da oynadığını da yada salaq.