"Əvvəla onu xüsusi qeyd edim ki, heç vaxt kiminsə şəxsiyyətini alçaldan biri deyiləm. O cümlədən də referini söyməmişəm. Oyunun sonlarına yaxın biz hücumda olarkən rəqib qayda pozuntusuna yol verdi. Amma hakim oyunu saxlamadı. Həmin an öz yerimdə su ilə dolu butulkanı yerə atdım. Bu zaman 4-cü hakim mənim hərəkətimi görərək baş hakimə dedi ki, gəl, Rasimə “sarı” göstər. Elə bu vaxt tribunadan butulka uçaraq birbaşa Fərid Hacıyevə dəydi. Hakimin arxası mənə tərəf idi və elə bildi ki, bunu mən etmişəm. Dərhal yanına çağırıb “qırmızı” göstərdi. Ona "ay qardaş, butulka tribunadan gəldi, bunun mənə nə dəxli var? Niyə səbəbsiz yerə mənə “qırmızı” verdin” dedim. Amma buna məhəl qoyulmadı. Hətta həm rəqib komanda, həm də bizim uşaqlar gördü ki, butulka tribunadan atılıb.

Oyundan sonra paltardəyişmə otağında da hakimlərlə danışdım. Epizoda yenidən baxacaqlarını, haqsız yerə verilibsə, “qırmızı”nın ləğv ediləcəyini söylədilər".