Bir müddət öncə “Neftçi”nin Demeako Dyuhani ilə maraqlandığını nəzərinizə çatdırmışdıq.
“Football-plus.az” xəbər verir ki, Türkiyənin “İstanbulspor” klubunda çıxış edən müdafiəçi qışdan sonra komandasının əsas simalarından birinə çevrilib. İcarə əsasında paytaxt klubunda çıxış edən 24 yaşlı futbolçu İngiltərə “Stok Siti”sinə məxsusdu. Müdafiəçinin premyer-liqa təmsilçisi ilə müqaviləsinin müddəti iyulda bitəcək. Futbolçu klubu ilə yeni müqavilə imzalamaq niyyətində deyil.
Dyuhaninin Türkiyə çempionatında uğurlu çıxışı “Neftçi”nin işini çətinləşdirib. Belə ki, İstanbul klubu, çox güman, futbolçunu komandada saxlayacaq. Bu, “sarı-qaralar” superliqada qalacağı təqdirdə baş verəcək. Əks halda ingiltərəli Türkiyədən və Avropadan özünə başqa klub axtaracaq.
Futbolçunun menecerləri müdafiəçinin “Neftçi”də çıxış etməsinə razıdılar. Lakin onlar bunun üçün “ağ-qaralar”ın rəhbərliyindən yüksək məbləğ tələb edirlər. Maraq üçün qeyd edək ki, futbolçu özü də daha çox “İstanbulspor”da qalmaq niyyətindədi.
İLKİN SULTANLI