“Çempion olmağı çox istəyirik” – Tural Cəlilov
"Rəqibimizi 90 faiz yaxından tanıyıb təhlil edə bilməmişdik. "Arpaçay"la ilk dəfə qarşılaşırdıq. Buna rəğmən, oyuna yaxşı motivasiya olunmuşduq”.
Bu sözləri “Football-plus.az” açıqlamasında “Qusar”ın baş məşqçisi Tural Cəlilov dedi. Mütəxəssis Region Liqasının yarımfinalında “Arpaçay”I 1:0 hesabı ilə məğlub etdikləri görüşü şərh etdi:
“Deməzdim ki, hansısa komanda meydanda dominant futbol sərgiləyib təkqapı oynadı. Amma bizim qol epizodlarımız çox oldu, hətta bir real şansı boşa verdik. Yaxaladığımız fürsətlərdən birini qola çevirə bildik. Sevinirəm ki, qolu mən vurdum və komandamı finala daşıdım. Ötən mövsüm bura qədər gəlib çıxa bilməmişdik. Hazırda yaxşı formadayıq və motivasiyalıyıq. Çempion olmağı çox istəyirik. İnşallah, bu məqsədimizə nail olacağıq".
ABDULLA İSMAYILOĞLU
Digər xəbərlər
