Fettel nədən ötrü darıxır?
“Formula-1” üzrə dünya çempionatının dördqat qalibi Sebastyan Fettel yarışlar üçün darıxdığını etiraf edib:
“Hələ ki qəbul etdiyim qərardan tam razıyam və hər şey məni razı salır. Hərçənd hər şeydən çox mənim üçün yarışlarda iştirak, yarışlar və bununla bağlı olan emosional gərginlik çatmır. Qudvudu əsl yarış trassı saymaq olmaz. Baxmayaraq ki, hansısa müddətə yenidən sükan arxasına qayıtmaq xoşdu.
Əvvəllər yoxluğumla barışmaq çətin idi, ancaq tədricən kənardan “Formula-1” yarışlarını böyük maraqla izləyirəm. Sabiq komandam “Aston Martin”in uğurlarına görə çox sevinirəm. Axı əvvəlki illərdə bunun üçün biz də gərgin əmək sərf etmişik. Və çox xoşdu ki, komanda artıq bir neçə mükafat qazanıb”.
Əvvəllər yoxluğumla barışmaq çətin idi, ancaq tədricən kənardan “Formula-1” yarışlarını böyük maraqla izləyirəm. Sabiq komandam “Aston Martin”in uğurlarına görə çox sevinirəm. Axı əvvəlki illərdə bunun üçün biz də gərgin əmək sərf etmişik. Və çox xoşdu ki, komanda artıq bir neçə mükafat qazanıb”.
35 yaşlı almaniyalı bu il, iyulun 13-16-sı aralığında Qudvudda keçiriləcək sürət festivalında iştirak edəcək. Fettel tədbirdə şəxsi kolleksiyasında olan iki maşın - Naycel Mensellin “Ulyams” FW14B-si və Ayrton Sennanın “Maklaren” MP4/8-i ilə pilotluq edəcək. 2002-22 aralığında “Formula-1” üzrə dünya çempionatında iştirak edən almaniyalının hesabında 53 qələbə, 122 podium və 4 çempionluq var.
Bu arada yeddiqat dünya çempionu və “Mersedes” pilotu Lüis Hemilton Mayami “Qran-pri”sindən sonra iki dəfə müğənni Şakiranın əhatətəsində görüntülənib. Əvvəlcə mediaya Hemiltonla Şakiranın Mayamidəki restoranlardan birində çəkilən şəkilləri sızıb. Ardından pilotla ünlü kolumbiyalı müğənni yaxtada birgə istirahət edərkən paparatsilərin obyektivinə tuş gəlib.
Şakiranın əvvəllər Jerar Pike ilə görüşdüyünü və sabiq futbolçunun xəyanəti üzündən ötən il ayrıldıqlarını bilirsiz. Britaniyalı pilotun isə Nikol Şerzingerlə vidalaşandan sonra Rianna, Rita Ora, Kendall Cenner və Vinni Harlou ilə münasibətlərdə adı hallanıb.
Xatırladaq ki, Mayami mərhələsində finişə 6-cı çatan Hemilton ilk beş yarışdan sonra 56 xalla şəxsi hesabda 4-cü pillədə qərarlaşıb.
Digər xəbərlər
