Əli İsmayılov Pedro Rokeni “yıxıb-sürüdü”
Özbəkistanın paytaxtı Daşkənddə kişi boksçular arasında keçirilən dünya çempionatı sona çatıb. Bizimkilərdən Alfonso Dominges finala vəsiqə qazanıbsa, Məhəmməd Abdullayev “bürünc”lə kifayətlənib. Xəbər verdiyimiz kimi, qalan 11 boksçumuz mundialı medalsız başa vurub.
"Football-plus.az" olaraq bu nəticələri dəyərləndirməsi üçün boks yığmamızın sabiq kapitanı, dünya və Avropa çempionatının bürünc medalçısı Əli İsmayılovla əlaqə saxladıq:
“Cəmi 2 medal. Başverənlərin biabırçılıqdan başqa adı yoxdu. Birvaxtlar bütün dünyada ad-san qazanmış, çempionlar yetişdirmiş Azərbaycan boksunun bu hala düşməsi rəzalətdi. Əfsuslar olsun ki, boks tariximizə belə qara ləkə düşdü. Adam bilmir ki, nə desin. Ölkədə mütəxəssislərin, peşəkar idmançıların, həvəskar boksçuların sayı çoxdu. Niyə o şəxslərə müraciət edən, dəyərləndirən yoxdu? Vallah, o qədər perspektivli gənclər diqqətdən kənarda qalır ki…
Millinin baş məşqçisi Pedro Roke ümidləri doğrultmadı. Məncə, artıq onun postunda qalmasına ehtiyac yoxdu. Bir neçə gün əvvəl saytlardan birində Pedronun açıqlamasını oxudum. Dünya çempionatının startından əvvəl çox inamlı danışmışdı. Guya bosksevərlərə sevinc bəxş edəcəkdi, 13 boksçunun hər biri medal qazanacaqdı. Bəs nə oldu? Baş məşqçinin arzuları o zaman çin olar ki, postundan getsin. Ümumiyyətlə, başqa ölkənin kadrının burda baş məşqçi postunda nə işi var? Qətiyyətlə deyirəm ki, mütləq şəkildə yerli gənc kadra üstünlük verilməlidi...
Boks çox çətin idman növüdü. Özünəməxsus meyarları, terminləri və funksiyaları var. Azərbaycan dilini bilməyən şəxs həmin incə detalları gənclərə necə izah edəcək? Tərcüməçisinin olduğunu deyəcəksiz. İnanın ki, tərcüməçi heç vaxt peşəkar boksdakı vacib detalları təfsilatı ilə təkrarlaya bilməz.
Yeri gəlmişkən, qeyd edim ki, mən Türkiyədə məşqçi kimi fəaliyyətə başlamazdan əvvəl federasiya tərəfindən 3 aylıq dil kursuna yönəldildim. Mənə dedilər ki, türk dilini bilməyin gənclər üçün daha faydalı olar. Pedro isə hələ də dilimizi bilmir. Əminəm ki, boksçularımız zəif, bacarıqsız, potensialsız və perspektivsiz deyil. Bütün günah baş məşqçidədi. Çempionatdan əvvəl dəfələrlə təlim-məşq toplanışları keçirildi. Onlar özünü yaxşı tərəfdən göstərməyi bacardı. Bəs indi nə dəyişdi? Çünki Pedro Roke dünya çempionatında böyük uğur qazana bilən boksçular yetişdirəcək səviyyədə deyil.
Azərbaycan boksunun tarixini araşdırın. Görəcəksiz ki, bizimkilər yerli baş məşqçilərin rəhbərliyi altında necə böyük uğurlara imza atıb. Nəriman Abdullayev, Vaqif Şirinov, Rauf Cabbarov kimi təcrübəli mütəxəssislər görün nələr ediblər… Yenə deyirəm, boksda uğur qazanmağın yeganə yolu yerli gənc kadrın millinin baş məşqçisi təyin edilməsidi. Bu baş verməsə, Pedronun 4 medal rekordunu qırmaq xəyalı Azərbaycana qismət olmayacaq”.
Millinin baş məşqçisi Pedro Roke ümidləri doğrultmadı. Məncə, artıq onun postunda qalmasına ehtiyac yoxdu. Bir neçə gün əvvəl saytlardan birində Pedronun açıqlamasını oxudum. Dünya çempionatının startından əvvəl çox inamlı danışmışdı. Guya bosksevərlərə sevinc bəxş edəcəkdi, 13 boksçunun hər biri medal qazanacaqdı. Bəs nə oldu? Baş məşqçinin arzuları o zaman çin olar ki, postundan getsin. Ümumiyyətlə, başqa ölkənin kadrının burda baş məşqçi postunda nə işi var? Qətiyyətlə deyirəm ki, mütləq şəkildə yerli gənc kadra üstünlük verilməlidi...
Boks çox çətin idman növüdü. Özünəməxsus meyarları, terminləri və funksiyaları var. Azərbaycan dilini bilməyən şəxs həmin incə detalları gənclərə necə izah edəcək? Tərcüməçisinin olduğunu deyəcəksiz. İnanın ki, tərcüməçi heç vaxt peşəkar boksdakı vacib detalları təfsilatı ilə təkrarlaya bilməz.
Yeri gəlmişkən, qeyd edim ki, mən Türkiyədə məşqçi kimi fəaliyyətə başlamazdan əvvəl federasiya tərəfindən 3 aylıq dil kursuna yönəldildim. Mənə dedilər ki, türk dilini bilməyin gənclər üçün daha faydalı olar. Pedro isə hələ də dilimizi bilmir. Əminəm ki, boksçularımız zəif, bacarıqsız, potensialsız və perspektivsiz deyil. Bütün günah baş məşqçidədi. Çempionatdan əvvəl dəfələrlə təlim-məşq toplanışları keçirildi. Onlar özünü yaxşı tərəfdən göstərməyi bacardı. Bəs indi nə dəyişdi? Çünki Pedro Roke dünya çempionatında böyük uğur qazana bilən boksçular yetişdirəcək səviyyədə deyil.
Azərbaycan boksunun tarixini araşdırın. Görəcəksiz ki, bizimkilər yerli baş məşqçilərin rəhbərliyi altında necə böyük uğurlara imza atıb. Nəriman Abdullayev, Vaqif Şirinov, Rauf Cabbarov kimi təcrübəli mütəxəssislər görün nələr ediblər… Yenə deyirəm, boksda uğur qazanmağın yeganə yolu yerli gənc kadrın millinin baş məşqçisi təyin edilməsidi. Bu baş verməsə, Pedronun 4 medal rekordunu qırmaq xəyalı Azərbaycana qismət olmayacaq”.
KƏNAN BAHADIR
Digər xəbərlər
