Aprelin 30-dan mayın 14-dək Özbəkistanın paytaxtı Daşkənddə keçiriləcək kişilər arasında boks üzrə dünya çempionatının mükafat fondu açıqlanıb.

"Football-plus.az" xəbər verir ki, medalçılar üçün ümumilikdə 5,2 milyon dollar ayrılıb.

Mundialda çıxış edəcək yeddi dünya çempionundan biri Azərbaycan yığmasının üzvü Alfonso Domingesdi. Dünya çempionatının qaliblərinin hər birinə 200 min dollar veriləcək. İkinci yeri tutanlar 100, bürünc medal qazananlar isə 50 min dollar əldə edəcək. Boksçular ümumilikdə 13 çəki dərəcəsində mübarizə aparacaq.

Xatırladaq ki, 28 yaşlı Alfonso Dominges 2021-ci ildə Belqradda dünya çempionu olub, Tokio Olimpiadasının isə bürünc medalçısıdı.