Neymarın PSJ-dən ayrılmaq ehtimalı gündən-günə artır.

“Football-plus.az” xəbər verir ki, “RMC Sport”un məlumatına görə, agentləri onun üçün yeni klub axtarışına başlayıblar. Əsas məsələ braziliyalının maliyyə tələbləri və transferin məbləği ilə bağlıdı. Daha əvvəl hücumçuya “Çelsi” və “Nyukasl”ın maraq göstərdiyi bildirilmişdi. Lakin Neymar bu klublardan təklif almayıb. Onun qərarı mövsümün sonunda Lionel Messinin PSJ-dən gedəcəyi ehtimalı, həmçinin rəhbərliklə fikir ayrılıqları ilə izah edilir. Bundan əlavə, braziliyalı forvard yerli fanatların onun evinin qarşısında təşkil etdiyi etirazdan şoka düşüb.

Xatırladaq ki, Neymar topuq bağlarında əməliyyat olunduqdan sonra fevral ayından meydana çıxmayıb.