''Ronaldonun Səudiyyə Ərəbistanında xoşbəxt olmaması barədə çox şaiyələr gəzir. Bəlkə də o, artıq bu yay oranı tərk etmək barədə düşünür. Başa düşürəm ki, bir çox futbolçular bu cür ölkələrə böyük pullar qazanmaq üçün yollanır. Amma o ölkədə həyat və futbolun səviyyəsi futbolçunun gözlədiyi kimi olmur. Ronaldo indiki həyatının qarşılığında böyük pullar qazanır. Onun bu durumdan razı olub-olmadığını bilmirəm. Bu, hər kəsin başına gələ bilər. Messi də Ərəbistana yollansa, bu durumla qarşılaşa bilər. Ona görə də Ronaldonu yenidən ''Real''da görmək heç də pis olmazdı. Karyerasını Madriddə bitirməsi maraqlı olar. Düzdü, fanatlar başa düşməlidi ki, onun artıq 25-26 yaşı yoxdu. Həmin yaşdakı performansı verə bilməyəcək. Amma futbolla vidalaşmamış ''Real''a daha bir neçə titul qazandıra bilər. Messi PSJ rəhbərliyindən icazəsiz Ərəbistana yollandığı üçün iki həftəlik cəzalanıb. Hər şey bunu düşünməyə əsas verir ki, Messi ora müqavilənin şərtlərini müzakirə etmək üçün yollanıbmış. Messinin şərəfini qoruduğu kluba qarşı bu cür hörmətsizlik etməsi həm üzücü, həm də qəribədi. Daha yaxşı variant seçə bilərdi. Mövsümün sonunu gözləmək olardı. Ərəblər özləri də Parisə gələ bilərdilər. Messi bu cür məsələlərdə hər zaman örnək olub. İndi ''agzigöyçəklərə''ə onu tənqid etmək üçün fürsət verdi. Mövsüm sona yaxınlaşır. Komandası çempionluğa gedir. Belə problem Messiyə heç lazım deyildi''.