Qvardiola Holanna bənzəmək istəyənlərə nə məsləhət gördü?
''Mançester Siti''nin baş məşqçisi Xosep Qvardiola bu mövsüm xarüqələr yaradan və rəsmi oyunlarda 50-dən çox qol vuran Erlinq Holann haqda maraqlı açıqlama verib.
"Football-plus.az" xəbər verir ki, norveçli qoleador bir müddət öncə sosial şəbəkədə əlində südlə olan şəklini paylaşmış və məhz südü qollarının əsas sirri adlandırmışdı. Amma Qvardiola belə düşünmür:
''Holann fiziki cəhətdən özünü çox əla hiss edir. İnsanlar bunu onun süd və ya başqa bir şey içməsi ilə əlaqələndirir. Mən də vaxtilə çox süd içmişəm. Amma mən heç vaxt mövsümə 50 qol vurmurdum. Holanna bənzəmək istəyən gənclərə məsləhətim budu ki, onun içkilərinə yox, meydandakı hərəkətlərinə və özəlliklərinə diqqət yetirsinlər''.
ƏLİ
