Füzuli Məmmədov problemi həll etməyə çalışır - AÇIQLAMA
17 yaşadək futbolçulardan ibarət Azərbaycan milli komandası Albaniyanın paytaxtı Tiranada təşkil edilən UEFA İnkişaf turnirində iki oyun keçirib. Yığma ilk matçda Farer adalarına 4:2 hesabı ilə qalib gəlsə də, Albaniyaya minimal hesabla (0:1) məğlub olub.
U-17-nin baş məşqçisi Füzuli Məmmədov "Football-plus.az"a açıqlamasında hər iki qarşılaşmanı dəyərləndirdi:
"Albaniyaya çatdıqdan sonra 1 gün məşq etmək imkanı oldu.
İlk rəqib Farer adaları idi. Onlar haqda heç bir informasiya tapa bilməmişdik. Meydanda bütün qüvvəmizlə çıxış etdik. Rəqibin hücum xətti güclü idi. İlk dəqiqələrdə millimiz həyacanlı olduğundan xırda səhvlərə yol verdi. Nəticədə rəqib 2 qol vurmağı bacardı. Fasilə zamanı paltardəyişmə otağında komandamla danışıb tövsiyələr verdim. İki əvəzetmə edərək durumu tənzimlədim. Bundan sonra komanda özünü yaxşı tərəfdən görsətməyi bacardı. Çoxsaylı qol epizodları yaratdıq. Oyunu ələ aldıqdan sonra ardıcıl qollar vurduq. Matç çox dinamik keçdi. Buna baxmayaraq, heyətin fiziki durumunda çatışmazlıq yaranmamışdı. Rəqib komanda isə çökmüş vəziyyətdə idi.
İkinci görüşdə Albaniya ilə üz-üzə gəldik. Ev sahiblərinin hücum xətti ilə yanaşı, müdafiəsi də güclü idi. Demək olar ki, səhvə yol vermədilər. Müdafiənin mərkəzində ucaboy futbolçulara yer vermişdilər. Rəqibin heyətində 6-7 legioner var idi. Onların İtaliya, Almaniya kimi ölkələrdə çıxış etdiyini öyrəndim. Albanların son oyununu diqqətlə izləyib təhlil etdikdən sonra komandama müvafiq göstərişləri vermişdim. Oyuna çox yaxşı başladıq. U-17 ilk oyundakı kimi yaxşı performans göstərirdi. Topa nəzarət, qol epizodları kimi vacib detallarda üstünlük bizdə idi. Təəssüf ki, rəqib qapı önündə buraxdığımız kiçik texniki səhvdən dərhal yararlandı və qol vurdu. İkinci hissədə də güclü müqavimət göstərdik. Dəfələrlə qapı önünə qədər getsək də, epizodu qolla tamamlaya bilmədik. Demək olar ki, matç təktərəfli davam etdi. Rəqibə əks-hücum şansı belə vermədik.
Oyunlardan sonra həm azarkeşlər, həm də rəsmi şəxslər komandanın oyun tərzini və performansını bəyəndiklərini dedilər. Mən özüm də razı qaldım. Tapşırıqları düzgün yerinə yetirdilər. Əzmkarlıqla bacarıqlarını nümayiş etdirdilər. Xoşuma gəlməyən hal isə hücumda bitiriciliyin qaydasında olmamasıdı. Məşqlərdə bu problemin aradan qaldırılması istiqamətində çalışırıq.
Hər iki qarşılaşma çox əhəmiyyətli idi. Sabah Moldovaya qarşı mübarizə aparacağıq. Bu oyun üçün məşqlər az öncə sona çatdı. Komandama rəqib haqda məlumat və önəmli tapşırıqlar verdim.
Hazırlıq davam edəcək.Bundan sonra 3 təlim-məşq toplanışı da nəzərdə tutulub. Əsas məqsədimiz oktyabrda keçiriləcək Avropa çempionatında yaxşı nəticə qazanmaqdı".
İlk rəqib Farer adaları idi. Onlar haqda heç bir informasiya tapa bilməmişdik. Meydanda bütün qüvvəmizlə çıxış etdik. Rəqibin hücum xətti güclü idi. İlk dəqiqələrdə millimiz həyacanlı olduğundan xırda səhvlərə yol verdi. Nəticədə rəqib 2 qol vurmağı bacardı. Fasilə zamanı paltardəyişmə otağında komandamla danışıb tövsiyələr verdim. İki əvəzetmə edərək durumu tənzimlədim. Bundan sonra komanda özünü yaxşı tərəfdən görsətməyi bacardı. Çoxsaylı qol epizodları yaratdıq. Oyunu ələ aldıqdan sonra ardıcıl qollar vurduq. Matç çox dinamik keçdi. Buna baxmayaraq, heyətin fiziki durumunda çatışmazlıq yaranmamışdı. Rəqib komanda isə çökmüş vəziyyətdə idi.
İkinci görüşdə Albaniya ilə üz-üzə gəldik. Ev sahiblərinin hücum xətti ilə yanaşı, müdafiəsi də güclü idi. Demək olar ki, səhvə yol vermədilər. Müdafiənin mərkəzində ucaboy futbolçulara yer vermişdilər. Rəqibin heyətində 6-7 legioner var idi. Onların İtaliya, Almaniya kimi ölkələrdə çıxış etdiyini öyrəndim. Albanların son oyununu diqqətlə izləyib təhlil etdikdən sonra komandama müvafiq göstərişləri vermişdim. Oyuna çox yaxşı başladıq. U-17 ilk oyundakı kimi yaxşı performans göstərirdi. Topa nəzarət, qol epizodları kimi vacib detallarda üstünlük bizdə idi. Təəssüf ki, rəqib qapı önündə buraxdığımız kiçik texniki səhvdən dərhal yararlandı və qol vurdu. İkinci hissədə də güclü müqavimət göstərdik. Dəfələrlə qapı önünə qədər getsək də, epizodu qolla tamamlaya bilmədik. Demək olar ki, matç təktərəfli davam etdi. Rəqibə əks-hücum şansı belə vermədik.
Oyunlardan sonra həm azarkeşlər, həm də rəsmi şəxslər komandanın oyun tərzini və performansını bəyəndiklərini dedilər. Mən özüm də razı qaldım. Tapşırıqları düzgün yerinə yetirdilər. Əzmkarlıqla bacarıqlarını nümayiş etdirdilər. Xoşuma gəlməyən hal isə hücumda bitiriciliyin qaydasında olmamasıdı. Məşqlərdə bu problemin aradan qaldırılması istiqamətində çalışırıq.
Hər iki qarşılaşma çox əhəmiyyətli idi. Sabah Moldovaya qarşı mübarizə aparacağıq. Bu oyun üçün məşqlər az öncə sona çatdı. Komandama rəqib haqda məlumat və önəmli tapşırıqlar verdim.
Hazırlıq davam edəcək.Bundan sonra 3 təlim-məşq toplanışı da nəzərdə tutulub. Əsas məqsədimiz oktyabrda keçiriləcək Avropa çempionatında yaxşı nəticə qazanmaqdı".
KƏNAN BAHADIR
Digər xəbərlər
