''Bir sıra önəmli mütəxəssislərlə çalışmışam. Amma Rza Çalımbayın karyeramda xüsusi yeri var. Məşqçi üçün oyunçuları birləşdirmək, ailə ab-havası yaratmaq bacarığı çox önəmlidi. Futbol dünyasında bunu edə bilən məşqçilərin sayı o qədər də çox deyil. Rza Çalımbayın uğurunun sirri məhz bundadı. Çox dürüst məşqçidi və ''Sivasspor''da oynadığım dönəmdə komandada gözəl atmosfer var idi. Türkiyə kimi məşqçilərin tez-tez dəyişdirildiyi bir ölkədə 4 mövsüm bir klubda işləmək, maddi imkanları məhdud olan olan həmin klubu ardıcıl 3 il avrokuboklara daşımaq, üstəlik ölkə kubokunu qazanıb Konfrans Liqasında qrupu lider kimi bitirmək hər məşqçiyə qismət olmur. Yəni daha yaxşı imkanlar içində Çalımbay bundan da yaxşı nəticələr əldə edə bilər. Eşitdiyimə görə Türkiyə yığmasının başına keçəcək. Buna artıqlaması ilə layiqdi. Türkiyə yığmasında Avropada top qovan istedadlı və güclü oyunçular var. Çalımbay onlardan çox gözəl faydalanacaq. Onun başçılığı altında Türkiyə nəhəng turnirdə də uğur qazana bilər. Zatən Türkiyə çempionatı tarixində ən çox oyun keçirən baş məşqçi olması onun nə qədər sabit olduğunu göstərir''.