Səudiyyə Ərəbistanında son həftələr Kriştiano Ronaldo üçün çətin keçib. Onun çıxış etdiyi “Əl-Nəssr” ölkə çempionatında heç cür liderliyə yüksələ bilmir, üstəlik ölkə kubokunda mübarizəni yarımfinalda dayandırıb.

“Football-plus.az” xəbər verir ki, portuqaliyalı futbolçu meydandan kənarda da problemlər yaşayır. “Mundo Deportivo”nun məlumatına görə, 38 yaşlı futbolçu ilə sevgilisi Corcina Rodriges arasındakı münasibətlər pisləşib. Cütlüyün 8 illik birgə həyatına son qoymağa yaxın olduğu iddia edilir. Ayrılıq reallaşarsa, ulduz futbolçu Corcinaya 350 milyon avro ödəyə bilər. Bu məbləğ Kriştianonun sərvətinin 35 faizinə bərabərdi.

“Mundo Deportivo” Ronaldonun daha əvvəl də açıqlamalarında Corcinanın çox pul xərcləməsinə, tez-tez alış-veriş etməsinə əsəbləşdiyini bildirmişdi. Qeyd edək ki, Ronaldonun 5 övladından ikisinin anası Corcinadı.